ⴰⵔ ⵏⵏ ⵜⴻⵜⵜⵡⴰⵍⴰ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵜ ⵜⴰⵙⵎⵉⴳⵍⵜ ⵏ ⵢⵉⵡⵉⵣ ⵅⴼ ⵜⵙⵏⵙⵉ ⵏ ⵉⴹⵕⵉⵚⵏ ⵓⵣⵔⵉⴼⵏ ⴷ ⵉⵎⴰⴷⴷⴰⵙⵏ ⵏⵏⴰ ⵉⵜⵜⵏⴱⴰⴹⵏ ⵙ ⵡⵓⴷⵎ ⴰⵎⴰⵜⴰⵢ, ⴰⵣⵔⴼ ⵏ ⵓⵙⵙⵔⵙⵍ ⵏ ⵜⵎⵙⵎⵓⵏⵉⵏ. ⵉ ⵓⵡⵜⵜⴰⵙ ⴰⴷ, ⴰⵔ ⵏⵏ ⵜⴻⵜⵜⵡⴰⵍⴰ ⵜⵉⵙⵎⵉⴳⴰⵍ ⴰⴷ :
• ⵉⵡⵉⵣ ⵅⴼ ⵓⵙⵎⴰⵔ ⴷ ⵜⵙⵏⵙⵉ ⵏ ⵉⴹⵕⵉⵚⵏ ⵓⵣⵔⵉⴼⵏ ⴷ ⵉⵎⴰⴷⴷⴰⵙⵏ ⵉⵥⵍⵉⵏ ⵙ ⵜⵎⵙⵎⵓⵏⵉⵏ, ⵙ ⵓⵣⴷⴷⵓⵢ ⴰⴽⴷ ⵜⵣⵓⵏⴰ ⵜⵉⵎⴰⵡⵙⴰⵙⵉⵏ ⵜⵉⵎⵏⵜⴰⵢⵉⵏ;
• ⵜⵉⴽⴽⵉ ⵏ ⵜⵓⵔⴰⴳⵉⵏ ⵏ ⵜⵓⵜⵔⴰ ⵏ ⵜⵡⵍⵍⵓⵖⵜ ⵜⴰⴳⴷⵓⴷⴰⵏⵜ ⵉ ⵜⵏⴰⴼⵓⵜ ⵏ ⵜⵎⵙⵎⵓⵏⵉⵏ, ⴹⴰⵕⵜ ⵏ ⵓⵙⴰⴳⴳⵯ ⵏ ⵜⴰⵏⵏⴰⵢⵜ ⵏ ⵜⵙⵇⵇⵉⵎⵜ ⵉⵜⵜⵓⵙⵎⴰⴳⴰⵍⵏ ⵙ ⵜⵣⵔⴰⵡⵜ ⵏ ⵜⵓⵜⵔⵉⵡⵉⵏ ⵉⵜⵜⵓⵙⵎⵏⵉⴷⵏ ⵉ ⵓⵡⵜⵜⴰⵙ ⴰⴷ ;
• ⵉⵎⵉⵥ ⵏ ⵜⵓⵜⵔⵉⵡⵉⵏ ⵏ ⵜⵓⵙⵏⵜ ⵙ ⵜⵡⵉⵍⴰ ⵏ ⵜⵏⴰⴼⴰ ⵜⴰⵎⴰⵜⴰⵢⵜ ⵉⵜⵜⵓⵙⵎⵏⵉⴷⵏ ⵙⴳ ⴷⴰⵔ ⵜⵎⵙⵎⵓⵏⵉⵏ ⵏⵏⴰ ⵔⴰⵏⵉⵏ ⵎⴰⵢⴰⵏⵏ, ⴷ ⵜⵣⵔⴰⵡⵜ ⵏⵏⵙⵏⵜ ⴷ ⵓⴼⵙⴰⵔ ⵏⵏⵙⵏⵜ ⴳ ⵓⵎⵏⵉⴷ ⵏ ⵓⵎⴰⵡⵙⴰⵙ ⴰⵎⵣⵡⴰⵔⵓ ⴰⴷ ⴼⵍⵍⴰⵙⵏⵜ ⵉⵙⵖⵣⵏ.
• ⵉⵎⵉⵥ ⵏ ⵜⵙⴳⵓⵔⵉⵡⵉⵏ ⵏⵏⴰ ⵙⴽⴰⵔⵏⵜ ⵜⵎⵙⵎⵓⵏⵉⵏ ⵖⵔ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ ⵙ ⵎⴰⴷ ⵉⵥⵍⵉⵏ ⵙ ⵜⵡⵉⵣⴰⵡⵉⵏ ⵜⵉⵥⵕⴼⴰⵏⵉⵏ ⴷ ⵜⵎⵉⴷⵉⵢⵉⵏ ⵏⵏⴰ ⵜⵜⴰⵎⵥⵏⵜ ⵙⴳ ⴷⴰⵔ ⵜⵎⵏⴰⴹⵉⵏ ⵏ ⴱⵕⵕⴰ.
• ⴰⵙⵔⵓⵙ ⵏ ⵓⵏⴳⵔⴰⵡ ⴰⵏⵖⵎⴰⵙ ⴰⵏⴰⵎⵓⵔ ⵉⵥⵍⵉⵏ ⵙ ⵜⵎⵙⵎⵓⵏⵉⵏ, ⴷ ⵙ ⵓⵣⴷⴷⵓⵢ ⴰⴽⴷ ⵜⵣⵓⵏⴰ ⵜⵉⵎⴰⵡⵙⴰⵙⵉⵏ ⵜⵉⵎⵏⵜⴰⵢⵉⵏ.