ⵙ ⵓⵎⵙⴰⵙⴰ ⴷ ⵉⴱⴹⵉⵢⵏ ⵏ ⵉⵎⵏⵏⵉⵜⵏ 48 ⴷ 49 ⵙⴳ ⵓⴷⵓⵙⵜⵓⵔ, ⴰⵔ ⵉⵙⵙⵉⵅⵉⴼ ⵓⴳⵍⵍⵉⴷ ⴰⵙⵇⵇⵉⵎ ⴰⵎⴰⵡⵙⴰⵙ ⵏⵏⴰ ⵢⵓⵎⴰⵏ ⴰⵏⵙⵙⵉⵅⴼ ⵏ ⵜⵏⴱⴰⴹⵜ ⴷ ⵉⵎⴰⵡⵙⴰⵙⵏ. ⴷ ⴰⵔ ⵉⵜⵜⵎⴹⴰⴽⴰⵕ ⵓⵙⵇⵇⵉⵎ ⴰⵎⴰⵡⵙⴰⵙ ⴳ ⵜⵎⵙⴰⵔⵉⵏ ⴷ ⵉⴹⵕⵉⵚⵏ ⵏⵏⴰ ⵉⵙⵏⵏⵣⴳⵎⵏ ⵉⵙⵡⴰⵍⴰⵜⵏ ⵉⵙⵜⵕⴰⵜⵉⵊⵉⵢⵏ ⵏ ⵜⵙⵔⵜⵉⵜ ⵏ ⵓⵡⴰⵏⴽ, ⵉⵙⵖⵏⵓⵜⵏ ⵏ ⵓⵣⵣⵔⴰⵢ ⵏ ⵓⴷⵓⵙⵜⵓⵔ, ⵉⵙⵖⵏⵓⵜⵏ ⵏ ⵉⵙⵍⴳⵏⵏ ⵉⵎⴰⴷⴷⴰⵙⵏ, ⵉⵙⵡⴰⵍⴰⵜⵏ ⵉⵎⴰⵜⴰⵢⵏ ⵏ ⵓⵙⵖⵏⵓ ⵏ ⵓⵙⵍⴳⵏ ⵏ ⵜⵥⵕⴼⵜ, ⵉⵙⵖⵏⵓⵜⵏ ⵏ ⵉⵙⵍⴳⵏⵏ - ⴰⵙⴰⵜⵉ ⵉⵜⵜⵓⵙⵙⵎⵜⵔⵏ ⴳ ⵓⵎⵏⵏⵉ 71 (ⴰⴳⵟⵟⵓⵎ ⵡⵉⵙ ⵙⵉⵏ) ⵙⴳ ⵓⴷⵓⵙⵜⵓⵔ, ⴰⵙⵖⵏⵓ ⵏ ⵓⵙⵍⴳⵏ ⵏ ⵓⵙⵓⵔⴼ ⴰⵎⴰⵜⴰⵢ, ⵉⵙⵖⵏⵓⵜⵏ ⵏ ⵉⴹⵕⵉⵚⵏ ⵉⵥⵍⵉⵏ ⵙ ⵢⵉⴳⵔ ⴰⵙⵔⴷⴰⵙ, ⴰⵙⵎⴰⵍ ⵏ ⵡⴰⴷⴷⴰⴷ ⵏ ⵜⴼⵔⴳⵉ, ⴰⴱⵔⵔⵃ ⵙ ⵉⵎⵏⵖⵉ, ⴰⵙⵖⵏⵓ ⵏ ⵓⵎⵕⵚⵓⵎ ⵉⵜⵜⵓⵙⵙⵎⵜⵔⵏ ⴳ ⵓⵎⵏⵏⵉ 104 ⵙⴳ ⵓⴷⵓⵙⵜⵓⵔ ⴰⴷ, ⵜⴰⵙⵎⵍⴰ ⵙ ⵜⵙⵓⵎⵔⵜ ⵙⴳ ⴷⴰⵔ ⵓⵏⵙⵙⵉⵅⴼ ⵏ ⵜⵏⴱⴰⴹⵜ, ⴷ ⵙ ⵜⵙⵏⵜⴰⵢⵜ ⵙⴳ ⴷⴰⵔ ⵓⵎⴰⵡⵙⴰⵙ ⴰⵎⵏⵜⴰⵢ, ⴳ ⵜⵙⵖⴰⵏ ⵜⵓⵖⵔⵉⵎⵉⵏ ⴷ ⵉⴷⴷⴰⵏ: ⴰⵏⴱⴱⴰⴹ ⵏ ⵍⴱⴰⵏⴽ ⵏ ⵍⵎⵖⵔⵉⴱ, ⴷ ⵉⵎⵙⵇⴰⴷⵏ ⴷ ⵉⴷ ⵍⵡⴰⵍⵉ ⴷ ⵉⵏⴱⴱⴰⴹⵏ, ⴷ ⵉⵎⴰⵙⴰⵢⵏ ⵅⴼ ⵜⵎⵙⵙⵓⴳⴰⵔ ⵉⵜⵜⵓⵙⵎⴰⴳⴰⵍⵏ ⵙ ⵜⵏⴼⵔⵓⵜ ⵜⴰⴳⵏⵙⴰⵏⵜ, ⴷ ⵉⵎⴰⵙⴰⵢⵏ ⵅⴼ ⵜⵎⵔⵙⴰⵍ ⴷ ⵜⵎⵙⵙⵏⵜⴰⵢ ⵜⵉⴳⴷⵓⴷⴰⵏⵉⵏ ⵜⵉⵙⵜⵕⴰⵜⵉⵊⵉⵢⵉⵏ ⵏⵏⴰ ⵎⵉ ⵜⴻⵜⵜⵓⵙⵡⵓⵜⵜⴰ ⵜⵍⴳⴰⵎⵜ ⵏⵏⵙ ⴳ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 02.12 ⵉⵥⵍⵉⵏ ⵙ ⵜⵙⵎⵍⴰ ⴳ ⵜⵔⵙⵓⵜⵉⵏ ⵜⵉⵏⴰⴼⵍⵍⴰⵜⵉⵏ ⵙ ⵜⵙⵏⵙⵉ ⴰⴽⴷ ⵉⴱⴹⵉⵢⵏ 49 ⴷ 92 ⵙⴳ ⵓⴷⵓⵙⵜⵓⵔ ⴷ ⵉⴼⴼⵖⵏ ⵙ ⵓⵣⵣⴳⵉⵔ ⵏⵏⵙ ⴰⴹⴰⵀⵉⵕ ⴰⵎⴰⵖⵓⴷ ⵓⵟⵟⵓⵏ 1.12.20 ⴳ 27 ⵛⴰⵄⴱⴰⵏ 1433 (17 ⵢⵓⵍⵢⵓⵣ 2012).