ⵙ ⵓⵎⵙⴰⵙⴰ ⴰⴽⴷ ⵉⴱⴹⵉⵢⵏ ⵏ ⵉⵎⵏⵏⵉⵜⵏ 15 ⴷ 16 ⵙⴳ ⵓⵙⵍⴳⵏ ⴰⵎⴰⴷⴷⴰⵙ ⵓⵟⵟⵓⵏ 065.13 ⵉⵥⵍⵉⵏ ⵙ ⵓⵙⵏⵎⴰⵍⴰ ⴷ ⵓⵙⵡⵓⴷⴷⵓ ⵏ ⵜⵡⵓⵔⵉⵡⵉⵏ ⵏ ⵜⵏⴱⴰⴹⵜ ⴷ ⵡⴰⴷⴷⴰⴷ ⵓⵍⴳⵉⵏ ⵏ ⵉⴳⵎⴰⵎⵏ ⵏⵏⵙ ⴷ ⵉⴼⴼⵖⵏ ⵙ ⵓⵣⵣⴳⵉⵔ ⵏ ⵓⴹⴰⵀⵉⵕ ⴰⵎⴰⵖⵓⴷ ⵓⵟⵟⵓⵏ 1.15.33 ⴳ 28 ⵊⵓⵎⴰⴷⴰ ⴰⵎⵣⵡⴰⵔⵓ 1436 (19 ⵎⴰⵕⵚ 2015), ⴰⵔ ⵏⵏ ⵉⵜⵜⵡⴰⵍⴰ ⵓⵏⴼⵍⵓⵙ ⴰⵎⴰⵜⴰⵢ ⵏ ⵜⵏⴱⴰⴹⵜ ⴰⵙⵎⴰⵔ ⵏ ⵓⵖⴰⵡⴰⵙ ⵏ ⵜⵡⵓⵔⵉ ⵏ ⵓⵙⵇⵇⵉⵎ ⵏ ⵜⵏⴱⴰⴹⵜ ⴷ ⴰⵔ ⵜ ⵉⴼⵙⵙⵔ ⵅⴼ ⵓⵏⵙⵙⵉⵅⴼ ⵏ ⵜⵏⴱⴰⴹⵜ ⴰⴼⴰⴷ ⴰⴷ ⴼⵍⵍⴰⵙ ⵉⵎⵙⴰⵙⴰ ⴷⴰⵜ ⵏ ⵓⴱⵟⵟⵓ ⵏⵏⵙ ⵅⴼ ⵉⴳⵎⴰⵎⵏ ⵏ ⵜⵏⴱⴰⴹⵜ. ⵎⴽⵍⵍⵉ ⵉⵙⴽⴰⵔ ⴰⵙⵎⴰⵔ ⵏ ⵢⴰⵜ ⵜⵏⵎⵎⴰⵍⵜ ⵉⴼⵔⵓⵔⵉⵏ ⵅⴼ ⵉⵎⵙⴳⴷⴰⵍⵏ ⵏ ⵓⵙⵇⵇⵉⵎ ⵜⵉⵣⵉ ⵏ ⵓⵙⵎⴰⴷ ⵏ ⵜⵡⵓⵔⵉ ⵏⵏⵙ, ⴷ ⵉⵙⵙⵉⵡⴹ ⵢⴰⵏ ⵓⵙⴳⵣⵍ ⴼⵍⵍⴰⵙ ⵉ ⵉⴳⵎⴰⵎⵏ ⴰⴽⴽⵯ ⵏ ⵜⵏⴱⴰⴹⵜ.