ⴳ ⵓⵙⴰⵜⵉ ⵏ ⵓⵙⵖⵓⴷⵓ ⵏ ⵓⵏⵣⵡⵉ ⵏ ⵜⵡⵓⵔⵉⵡⵉⵏ, ⵉⵕⵥⵎ ⵍⵎⵖⵔⵉⴱ ⵉⵙⴰⵡⵔⵏ ⵉⵅⴰⵜⴰⵔⵏ ⵃⵎⴰ ⴰⴷ ⵢⵓⵍⵉ ⵓⵙⵡⵉⵔ ⵏ ⵜⵏⵏⵓⵣⵖⴰ ⵏ ⵜⵎⴰⵣⵉⵔⵜ ⵏⵏⵖ ⴷ ⴰⴷ ⵢⵉⵍⵉ ⵓⵍⴷⴰⵢ ⵏ ⴽⵉⴳⴰⵏ ⴷ ⵉⵙⵢⴰⴼⵓⵜⵏ ⵉⵏⴰⵎⵓⵔⵏ ⴷ ⵉⴱⵕⵕⴰⵏⵏ.
ⵉ ⵓⵡⵜⵜⴰⵙ ⴰⴷ, ⵜⴻⵜⵜⵓⵙⴽⴰⵔ ⵜⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵉ ⵓⵙⵙⵕⵚⵓ ⵏ ⵜⴷⵉⵏⴰⵎⵉⵜ ⵜⴰⵎⴰⵢⵏⵓⵜ ⴳ ⵓⵙⵡⵓⴷⴷⵓ ⵏ ⵜⵎⵙⵎⵀⴰⵍⵉⵏ ⵜⵉⴳⴷⵓⴷⴰⵏⵉⵏ ⴰⴼⴰⴷ ⴰⴷ ⵢⵉⵍⵉ ⵡⴰⵡⴰⴹ ⵖⵔ ⵜⵏⵏⵓⴱⴹⴰ ⵉⵖⵓⴷⴰⵏ ⴳ ⵓⵙⴳⵎⴹ ⵏⵏⵙⵏⵜ ⴷ ⵓⵙⵀⵡⵏ ⵏ ⵜⵎⴳⴳⴰ ⵙⵉⵙⵏⵜ ⵉⵣⴷⵉⵏ, ⴷ ⵓⴹⴰⴽⴰⵍ ⵏ ⵉⵙⴽⵉⵍ ⴳⵔ ⵉⵎⵣⵣⵓⵣⵡⴰⵔ ⴷ ⵓⵍⴰ ⴰⵙⵔⵇⴱ ⵏ ⵓⵎⵣⵉⵣⵡⵔ ⴰⵎⴰⵖⵓⴷ ⵙ ⴰⵢⵍⵍⵉ ⵉⵜⵜⵎⵙⴰⵙⴰⵏ ⴰⴽⴷ ⵓⴷⵓⵙⵜⵓⵔ ⵙⵍⴰⵡⴰⵏ ⴰⴽⴽⵯ ⴳⵉⵙ ⵉⵎⵏⵏⵉⵜⵏ 35 ⴷ 36.
ⵙ ⵓⵢⴰ, ⵜⴰⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ, ⴱⴷⴷⴰ ⵉⵜⵜⵓⵙⵔⴰⵙⵏ ⵙⴳ ⴷⴰⵔ ⵜⵏⴼⵍⵓⵙⵜ ⵜⴰⵎⴰⵜⴰⵢⵜ ⵏ ⵜⵏⴱⴰⴹⵜ, ⴷ ⵏⵏⴰ ⵉⵍⵍⴰⵏ ⴳ ⵓⴷⵖⴰⵔ ⵏ ⵜⵙⵇⵇⵉⵎⵜ ⵏ ⵜⵎⵙⵎⵀⴰⵍⵉⵏ, ⵏⵜⵜⴰⵜ ⴷ ⵢⴰⵏ ⵓⴳⵔⴰⵡ ⴰⵎⵙⵙⵓⴳⵓⵔ ⵢⵓⵎⴰⵏ ⵉⵎⵓⵣⴰⵢⵏ ⴳ ⵢⵉⴳⵔ ⵏ ⵜⵎⵖⵓⵏⵉⵏ ⵜⵉⵎⵙⵙⵓⴳⴰⵔ ⵙ ⵜⵡⵉⵍⴰ ⵜⴰⵎⴰⵜⴰⵢⵜ, ⴷ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ ⵙ ⵜⵡⵉⵍⴰ ⵉⵥⵍⵉⵏ, ⴷ ⵜⴳ ⵜⴰⵙⵉⵎⴰⵏⵜ ⵙ ⵢⵉⵥⵉⵕ ⵙ ⵉⴷ ⴱⵓ ⵉⵙⵖⵏⵓⵜⵏ ⴷ ⵜⵔⴰⵡⵙⴰⵏⵜ ⵅⴼ ⴽⵓ ⴰⵏⴱⴰⴹ ⴰⵏⵙⵙⵉⵅⴼ.

ⴷ ⵉⵜⵜⵢⴰⵔⴰ ⴳ ⵓⵎⵕⵚⵓⵎ ⵉⵙⵙⵔⵙⵍⵏ ⵜⴰⵙⵇⵇⵉⵎⵜ ⵜⴰⵏⴰⵎⵓⵔⵜ ⵏ ⵜⵓⵜⵔⵉⵡⵉⵏ ⵜⵉⴳⴷⵓⴷⴰⵏⵉⵏ, ⵙ ⵜⵡⵉⵍⴰ ⵜⴰⵙⴼⴼⵏⵥⴰⵢⵜ, ⴰⵙⵉⵔⵉⵡ ⵏ ⵢⵉⴳⵔ ⵏ ⵓⴽⵛⵛⵓⵎ ⵏⵏⵙ ⴰⴼⴰⴷ ⴰⴷ ⵢⵓⵎⵓ ⵙ ⵜⵎⵔⵏⵉⵡⵜ ⵏ ⵜⵎⵙⵎⵀⴰⵍⵉⵏ ⵜⵉⴳⴷⵓⴷⴰⵏⵉⵏ, ⵜⵉⵎⵖⵓⵏⵉⵏ ⵏ ⵓⴷⵔⴰⵡ ⴳⵔ ⵜⵣⵓⵏⵉ ⵜⴰⵎⴰⵜⴰⵢⵜ ⴷ ⵜⵓⵙⵍⵉⴳⵜ ⴷ ⵓⵍⴰ ⵜⵉⵎⵖⵓⵏⵉⵏ ⵏ ⵓⵙⵡⵓⴷⴷⵓ ⵉⵜⵜⵓⵙⵎⵉⵔⵉⵏ.
ⵙ ⵓⵎⴷⵢⴰ, ⵉⵜⵜⵓⵙⴽⴰⵔ ⵓⵙⵉⵔⵉⵡ ⵏ ⵓⵔⵎⵎⵓⵙ ⵏ ‘’ⵜⵎⵙⵙⵓⴳⴰⵔ ⵜⵉⴳⴷⵓⴷⴰⵏⵉⵏ’’ ⴰⴼⴰⴷ ⴰⴷ ⵢⵓⵎⵓ ⵙ ⵜⵎⵔⵏⵉⵡⵜ ⵏ ⵜⵏⵓⴼⴰ ⵏ ⵓⵡⴰⵏⴽ, ⵜⵉⵎⵔⵙⴰⵍ ⵜⵉⴳⴷⵓⴷⴰⵏⵉⵏ, ⴷ ⵜⴳⵔⴰⵡⵉⵏ ⵜⵉⵎⵓⵔⴰⵏⵉⵏ ⴷ ⴽⵓ ⵓⴳⴳⵉⴷ ⴰⵏⴰⵎⵎⴰⴽ ⵢⴰⴹⵏ ⵙⴳ ⵡⵓⴳⴳⵉⴷⵏ ⵏ ⵓⵙⵍⴳⵏ ⴰⵎⴰⵜⴰⵢ